قالت علامك دايم الوقت محزون ويبين لي في عينك الدمع حزات |
أدري بقلبك جاير الوقت مدفون في حضرتك جنبي و تأخذك سجات |
قلت أسمعي بوحي وأنا فيك مفتون قلبي تجره بين لينٍ وشدات |
أضحك على ناسٍ من الحب يشكون إثر الهوى ياخذ من الروح بسكات |
ينزع خفوقي ظامي الشوق بالهون ويرسم على وجهي من الحزن (لوعات) |
أصبحت أنا عقبك من الحب مجنون تايه واطالع في عيونك متاهات |
سيف الهوى ذباح في كف مزيون شوفي شبيهك فوق بين المجرات |
وأنتي كما وبل السحايب على هون تمشي وتسقي بالعطايا مساحات |
تزهر فياض العشق تورق بك (أ)غصون و(أ)ملونٍ وردك على كيف ماجات |
الشعر يكتبني وفضاح مكنون والعمر رحله والمصايب محطات |
وقلبي عليك (أ)من الغلاء صار مسجون والحزن في جوفي خشير ولامات |
والي تبين لك ترى باقي (أ)طعون تطلع معالمها على الوجه ساعات |
قلبي عليك !!
الاشتراك في:
تعليقات الرسالة (Atom)
ليست هناك تعليقات:
إرسال تعليق